呢三日假期都過都好簡單，但係真係每日都做到自己想做ga嘢

 

呢日係thomasga生日，話晒都係"輕"弟點都要請佢食飯，所以夜晚同佢食返個靚扒。不過食之前同佢行電腦商場，總於賣咗一部合心水的手提電腦......yeah!!而呢晚同thomas傾得好deep，自己都分享咗好多心裡面一d軟弱，呢個晚上我覺得好充實......

呢日係敬拜上帝的日子，今日不論詩歌敬拜、講道內容都好充實，好多思想、反省的空間。夜晚同個一個好特別的人一齊好睇傢私，行咗幾次，今次總於可以揾到自己的心水。張床係細路仔床黎嫁，我諗住床下底放張枱仔，可以放我部手提電腦，hifi，好好睇ga書.......

 

為咗預備下個團契週會，今日陪個++去科大視察環境，之後就响科大裏面安靜睇聖經，望下上帝創造的大海，享受清涼的海風......好舒服......

為咗預備下個月的毅行者，終於同d friend夾到時間响啱啱個星期六行山，話晒要行100公里喎，點都要練下ga....完本係諗住由東霸開始行，以北潭涌為終點。我哋行到去落浪茄的分叉路為咗貪快，咪行上獨孤山再殺入西灣亭la，點知二年冇行，原來條路已經比好多樹木雜草阻住條路，係嚴重到唔見咗條路tim...我哋迷路囉，又冇帶地圖。最後當然去到西灣亭，不過結果用咗成3個鐘，仲要比d草草整到隻腳花晒，又比枝樹皮插到個肋骨，損咗、好痛不過都影返幾張靚相留念，都叫做有d補償......

哪一個地方有罪人，哪一個地方唔會冇問題。所以教會都不是完美無暇的地方，因為係一班罪人眾集的地方。只不過因為上帝的恩典，叫人可以在這地方實踐上帝的愛﹐努力在地上活出天國的樣式，是充满包容，支持，祝福......(願祢的旨意行在地上，如同行在天上)

 

這本書給我最深刻的有兩個chapter，一個係講祝福，另一個係講醫治。

祝福可以叫一個人生命有重大改變，上帝給人的祝福，人與人之間的祝福，都係要重視不可輕看祂的！

教會/團契是天國的縮影，若果不能在這裏找到安慰、接納、支持、醫治、滋潤，在世間還有哪裡可以找尋呢？

 

願上帝祝福教會的同時，也願上帝幫助我愛教會更多。"爾旨得成，在地若天"

有一日冇嘢做，咪同friend出下街囉，之後陪佢去咗一個好神秘ga地方，呢個神秘地方令我有好多驚喜.....妳多mini ar!!!!仲見响香港ga街道上好難見到ga mini van(過冇同佢影返張相)。不過，都同其中一架好型仔的paul smith mini影咗張相留念

 

見到佢之後成日都掛住佢，好想將佢收歸自己名下，坐住佢四圍去.......等我發下夢先.......

 

 

三日假期同++阿寶入去paul's camp福音營，順便幫手帶一個program。計下計，都好耐冇去過呢類ga camp，教會camp都冇.....

除咗paul's camp一班活力四射的團友之外，亦都有一位新朋友叫西門。西門都係一個好主動、好open自己的人，我哋一齊渡過3日2夜的營會，一齊經歷玩program、煮飯、唱詩、分享生活和信仰.......好多深刻的共處經驗。

 

最好玩ga遊戲，都可以講係"戰爭與和平"，成班人去到杯澳的海灘玩水槍，要用水槍去阻止對方用筷子運波波，好記得西門一次過想運三個乒乓波，運咗成5分鐘都運唔到，當然係有我呢個爛玩精係咁射走佢d乒乓波la每一個都玩都成身濕晒，我係唯一一個玩到瞓埋落沙的彽能仔tim!!!

 

除咗"戰爭與和平"之外，仲有玩咗非正式遊戲節目"耍盲雞"、又學咗"我係傻瓜"、"我叫，佢係"、"捉老鼠"呢d好得意ga遊戲....好開心...

 

呢個camp令我再次回味團契營會的快樂，仲令我回想福音對我的意義和重要性.....福音重要性係"我來了，是要叫羊得生命，並且得的更豐盛 (約 10:10)"真的多謝上帝比我的恩典多到我無地可容。