因為忙ga原故，有成個月都冇幫"蘇蘇"打臘，所以啱啱ga星期六朝早幫佢換側邊ga指示燈(改做透明色)，晏晝就佢响33.5度ga高温底下沖涼。結果，用咗兩個鐘幫佢抺身同打臘，結果佢就"玲立立"，我都面紅紅出晒汗，不過都值得，因為蘇蘇真係變得好"玲"，而我呢？咪就係成日留响屋企休息囉。

前日經過apm，剛巧有一個簡介香港過去10年的，當中最吸引我留低ga，係佢有一個櫃位介紹香港ga漫晝歷史，細心一睇，原來香港有經本好出名ga漫晝都己幾經歷咗廿幾年，而當中有幾本我都有支持過ga

 

老夫子：相信有唔少香港人都識呢本漫畫書，家喻戶曉。呢本書响1965年出版，好多人都想都作者係王澤，原來佢只係作者之一咋，當時仲有幾個不知名ga人一齊創作ga

 

小流泯：即係宜家ga<龍虎門>，1971年開始出版，到宜家又再重新包裝再出過版，前年都拍埋電影(不過非常唔好睇)，不可都係我小學時代睇ga龍虎門係最好睇，故事好又唔算太誇張，不過最唔鐘意係王小龍永遠都係三皇中最"雞"ga一個，後尾仲要"釘"埋，做主角做到佢咁真係慘。

 

中華英雄：係一本我好鐘意睇ga書，馬榮成著，呢本書係1983年出版，可能係同我ga年代近d，所以深刻d。主角華英雄係天煞孤星，即係累死親人同朋友ga命運，後尾仲出電影，不過個編戲真係超爆差，可以講係"垃圾"

 

其實仲有幾本書我都有睇過，例如李小龍、刀劍笑，响小學時代ga作都係超好睇，不過由於作者、編戲ga人都改變咗，質素越黎越差，所以最後都冇睇過lu...自己唔係一個好識欣賞漫畫ga人，不過相信同我同一個年代又睇過以上漫晝ga人都會認同我ga講法，哈哈....

上個月睇完3本書，本來好想立即寫低响個space度，不過已經過咗咁耐己經冇心機去寫，不過呢3個書真係唔錯ga書。特別係<<情簡>>，係一本創作性ga愛情書信，好多ga表達都好toughing，又有空間去思想應該用什麼心態去回應這個世代的愛情。

 

<<情簡>>、<<馬大的腳、馬利亞的心>>、<<為約會定界線>>

 

5月要考試喇，又要温書喇，之後就可以放暑假la.....

呢個假期過得真係快，今年仲好似冇乜去人地屋企拜年tim，張生、家榮、嘉嘉....好似冇喇....不過呢個假期有好多安靜ga空間，同埋睇咗2本好有意思ga書，數一數，嘩......呢個月可能會睇到4本書，新記錄，新記錄呀.....

 

下禮拜日就係馬拉松喇，今日去維園攞號碼布同埋記念t-shirt，嘩....條比賽路線真係好長呀，由尖沙咀半島酒店開始起跑，經過油尖旺、上三號幹線，過青馬/汀九橋、拆返再入西隧、過西營盤/上環/中環、到灣仔金紫荊廣場為最終站，全場42公里....我都唔知自己可唔可以跑得完，就算跑得完相信我都會殘廢3日....

 

呢個比賽對我黎講好重要，真係好希望可以順利完成跑完42公里作為06年最好ga總結。為咗呢個比賽自己都練多咗跑步，仲專登買一對專業跑鞋，亦好希望有人可以响終點見證我完成呢個比賽。

 

台灣之旅買咗啲手信比蘇蘇，一返到黎就急不及待為蘇蘇安排一個頗複習ga手術，而主治醫師就佢主人----即係我

 

手術內容包括：

1) 幫蘇蘇換個新ga handle，係電鍍有mini logo handle，仲要幫佢配返啱長度ga羅絲。

2) 幫蘇蘇做一個換眼手術，其實係買咗對好靚ga頭燈，要拆咗舊ga頭燈、駁線、再換新頭燈。

 

手術環境都唔太好(停車場非常熱、設備亦不充足、過程唔太順利，裝完又拆、拆完又裝，最後用咗4個鐘頭總於手術成功，蘇蘇宜家靚仔咗la，大家睇下.....

今日突然回想星期六同星期日兩日發生過ga事，諗下諗下先發現兩件事好特別ga事，係上帝响我身上靜靜做ga工作同埋給予ga恩典.....

 

呢晚係非非團ga團年飯，最初以為都係只會小貓三四隻出現，不過估唔到都有成十幾個人出席，場面熱鬧非常。由於自己遲到，所以响冇得揀位之下坐咗响畢牧隔離，不過好感謝主因為正係因為畢牧坐响我隔離，响咁ga情況下可以約到佢傾計，真係多謝主為我安排時間....同埋竟然由我代表團契親我送一份記念禮物比牧師，畢竟無論發生過任何事，我對牧師ga敬意都係好重....多謝主給我奇妙的安排。

 

仲有，响抽奬的環節令我感到奇妙ga感覺係由alice响我讀出一段經文，

這句是一年半後她第一次對我講ga經文，心裏只有一個"奇怪"的微笑，不過我也相信是上帝係做緊嘢....

 

半年前因為對自己在信仰上完全ga失望，決定咗要諗清諗楚信仰對我有何關係之後才可以領聖餐。隔咗半年，今日再一次領聖餐，呢半年上帝在我生命上改變我，讓自己能在安靜中理解上帝與我a關係。今次立定心志再次領聖餐在信仰中委身給上帝，當在次領聖餐ga時候心裡明白到，我這一生也是要在上帝ga恩典中渡日......主，我是何人，祢竟這樣待我。

剛過去ga一個禮拜好凍，所以都冇心機上網記低d事....真係好懶....不過已經唔想再去打lu...

 

星期二晚出咗旺角去買好多護膚用品比蘇蘇，因為佢黎咗一個月我都冇幫佢做facial，佢個頭頂好多粒粒，塊玻璃都有d好難抺ga油潰，所以出糧咪買d嘢比佢囉.....好彩可以順便邀請咗一個美女陪我食飯，若果唔係又一個人返屋企食飯盒。唔係怕孤單，不過D.I.Y囉......

 

星期三好早返到屋企，剪完頭髮返屋企一面食飯盒一面睇康熙帝國，終於到我好LIKE ga主角"陳道明"出場la，yeah......之後就去咗幫蘇蘇洗塵同打蠟，經過2粒鐘ga努力，蘇蘇終於冇晒"痘皮"仲靚仔咗好多呀......好嘢......下個禮拜再幫佢打多一次蠟先......

 

 

又睇完一本關於兩性相處的書籍，若果唔係一位朋友介紹睇呢本書，相信單係睇書名<為約會立界線>一定唔會吸引到我去睇，因為自己覺得<約會>呢個topic有嘢要留意呀....?!

 

 

不過睇完呢本書又發現原來<約會>都唔係一個簡單的一會事。在約會當中有好多嘢可以去留意ga地方，而唔會出現男女失去保護、沒有被尊重、真我的場面、也可以減少雙方ga誤會。約會處理得宜，男女均可向著一個個人成長和成熟、兩方能在互相尊重、信任底下能彼此支持、彼此依靠的局面......

 

 

262頁ga書真係記唔到咁多，不過都有d內容好深刻，好有反省的空間和值得留意ga地方....

~~ 為什麼要定界線？界線就可以幫助自己知道自己的位置，可以幫助自己唔會迷失和失去自己，幫助自己唔會墜入危機當中。其實我覺得唔單止係約會要，好多事情上都要定下界線/////

~~ "把上帝帶到約會/拍拖當中和把約會/拍拖帶到上帝面前"，睇落好似無乜分別，但細心留意就發現，我的每一日、每一刻、每一個部份都係上帝，所以唔應該被約會的狀況而影响同上帝ga關係，所以前者先係一個正確ga態度，係我要去堅持ga//////

~~ 了解對方的生活習性、性格後，認真面對自己對方是否真的是自己能接受，唔好因為一時ga性感去蓋過一切，因為以後要面對住ga係一生ga日子面///

 

 

諗返過住呢一年半，上帝迫我去認真追求何謂兩性相處，一步步去處理自己在這方面ga問題並將這弱點去操練、去強化。好用心機睇咗<怎可以一生一世>、<男女大不同>、<如何處理失敗、羞愧、罪咎>、同埋一本關於處理失戀ga書。早段時間有成功ga階段也有失敗ga日子，由經歷沉痛到漸漸輕省，載浮載沉到宜家漸漸成熟，對愛情定所定ga界線，如何與異性相處又不把自己放進危險地帶都熟練多了(當然仍有進步ga空間)，真係多謝上帝ga心意同埋身邊ga人一直支持......may many thanksssssssssssssssss

 

 

宜家要學ga，我諗都係要等候上帝安排一個適合我的、我又適合佢ga另一個出現，而且仲要學點樣將所知、所聽、所學、所感ga活學活用，不竟紙上談兵同實戰都係兩會事，我諗到時要面對ga又係另一個境界lu......

啱啱個星期六終於接返"蘇蘇"返黎，加咗兩條"海虎戰紋:同埋執返好多濕星少問題，佢真係醒神咗好多!!不過唔好意思呀，原本諗住幫你洗白白，不過今日我真係好攰所以最後都冇做到，不過你放心啦，我會盡快服侍你嫁啦......

 

就黎又睇完一本書，呢本書真係好好，雖然內容都係同之前ga書大同小異，不過都比到我一d新ga思想空間，同埋當中提及咗一d嘢都係自己有ga問題但一直唔知點樣去處理，終於有出路la.....

 

今日開始返學lu，要開始預備心情喇，比心機讀埋呢4科，只要keep住b or b+以上，咁個gpa可以有3.0.....加油加油.....仲有，3月就係跑馬拉松ga大日子，今個月真係冇認真咁練，2月真係要加碼練多d....都係加油加油......

有時候都要懂得放棄，對一件事有盼望係好，好似信仰上都有提到「如今常存的有信、有望、有愛」，不過，除非呢個盼望係有出路，否則盲目的盼望只係對人係一件壞事。

 

好多時候對一件事有盼望，堅持最後可能會有改變ga空間，不過若果當中沒有新改變原素加入，只會係一成不變，最後都只會係白等，所以要懂得分辨、懂得什麼時候堅持，什麼時候忍痛放手。

 

路13：8~9

12月21日考完試，聖誔又過去，話咁快2006年又過去咗lu，回想返在年頭定下的3個目標，2個目標都係做到一大半，

一年睇完一次聖經，最後睇咗大半；

馬拉松就已經報咗名，等黎3月先可以去完成，不過我都仲有keep住練跑ga.....；

同埋.....

不過06'年都係過得唔錯ga一年

 

06'年比我最意想不到的一件事，係幾年前想做ga事响06'年終於做咗，就係成為車主，仲要買咗一架自己鐘意的車，就係......mini呀.....

12月20號登記做車主，車牌號碼係MR8290。攞車個日我的心情真係興奮到唔識點形容，真係好開心.........楂棍波車ga感覺真係好爽，不過我要比多d心機楂好手車，之後就可以同成班 mini friend去遊車河la...同埋架車都有少少問題，要快d楂去修理下&幫佢扮靚仔d。am......諗咗好耐，決定幫mini改個名叫"蘇蘇"，一個好可愛又親切ga名，我好鐘意.....

不過好想多謝martin成日教好多關於mini ga嘢，同埋佢幫我操車。同埋阿哥手車都好好ga，佢都幫我操車，宜家大膽咗好多la.....多謝兩位大佬!!

 

07'年，自己又定下3個目標，

1) 呢一年要睇完上年未睇完ga聖經

2) 响靈命上同工作上要再穏定d，每日都review提醒自己

3) 呢一年响愛情上處理得更好，要小小心心去處理男男女女ga問題

 

願主每日賜福幫助我！

 

 

下個月中又開始考試啦，又要閉關練功......又唔可以出街玩......又唔可以睇吓想睇書......唉!!

 

老實講，宜家讀書都真係為咗張紙仔，不過唯一一個好處係可以學多啲英文囉.....但每次考試都係要好緊張、好緊張、好緊張.......

 

28號可以揀科，希望可以一次過揀到4科，咁下年5月就可以正式讀完張hi-dip，咁又可以諗吓另一個目標......

可能係這兩個星期都好多嘢做，第一個星期行毅行者，第二個星期係三哥結婚，之後都未有一日可以好好休息過，所以星期日、星期一都係好攰，瞓極都瞓唔夠。本來星期一要測驗都冇乜點温過，結果咪唔得囉，下星期一又要再重測過，呢次都係我中學以黎第一次要retest，真係有d羞家！唔得喇，呢幾日一定要快d比自己休息多d，然後温好書，12月要準備final exam先！

11月18日是三哥的大日子，佢結婚啦.......亦都係蘇家男丁第一個搞婚禮的，心裡好為佢終於行出呢一步感到好開心..yeahhhhhhh...

 

阿哥口話唔會點樣大搞，不過睇得佢好緊張，之前幾日已經不斷問我哋d衫預備成點，仲响正日之前叫我哋著一次比佢睇。而佢行出呢一步，我哋做兄弟ga當然係唔可以放輕手腳啦，我哋幾兄弟(大佬、四哥同我)真係幫佢做兄弟，我仲要突然之間要做伴郎，呢日因為要815由屋企出發去接新娘，所以晨早630起身裝身，要幫佢睇頭睇尾、跟出跟入。去到酒店，無端端仲要做埋MC，呢日"食雞"真係食飽晒囉.....

 

不過今次真係好開心，因為我哋7兄弟姊妹差d可以聚首一堂，只係阿媽因為個人原因唔出席、大家姐因為要返工所以黎唔到，我哋可以藉住呢個機會再次走埋一齊一枱食飯、影一幅全家幅我知道我哋兄弟以往都有一d"心結"，可能人長大咗已經可以將以往一d唔開心ga嘢忘記，但再想深一層，也是上帝給我一家的恩典啫，多謝主。

 

睇到二佬同佢女朋友唔好感情，唔佑會唔會係呢兩年內結緍呢？最後，祝三佬同阿嫂新緍快樂，永結同心！

 

 

今年係我第二年行毅行者，第一次行目的係為咗嘗下行完一次100公里的記錄，而今次行係想睇下自己的極限有幾多....

 

今年的組員有"棉花"黃偉、有"神風"阿倫同埋有"神秘"建聰，加埋勁怕挨眼瞓的我，目標係要响30個鐘行完100公里，係一個好令我興奮的目標.....不過非常唔好的消息係建聰完來已經病咗成個禮拜，仲要當日仲未好返晒，不停係咁咳我哋都好擔心佢的身體、體力能否應付！而且呢二日仲好曬，上西灣同上針山ga時候都係响中正時間，氣温大約30度，真係"煎"乾晒我哋d體力。不過建聰好勁呀，佢可以堅持到，頭個三段可以keep到我哋預期的時間，而且佢仲可以帶病完成100公里，我真係從心底佩服呢位隊員。

 

仲有黃偉啦，佢預計ga時間真係好準，而且佢真係可以帶住我哋行ga時間同休息ga時間，好有規律。雖然最後唔可以逹到目標，不過真係好enjoy呢種有團體精神的過程.....同埋佢成程都陪住建聰行，呢份關心ga棈神同毅力，都係藉得敬佩ga.....

 

我由水浪窩開始跟住阿倫行，佢話就話好耐無運動過，但係我成程跟住佢都有點辛苦，真係唔敢想像佢最fit個陣時會係點，我諗我真係完全跟唔到佢囉！

 

而我都相信係最冇用ga一個，行到水浪窩就己經feel到會抽筋，又扭眼瞓，又生水泡，裝備又唔預備足夠，事前又唔做多d練習行山......結果，咪搞到要扎主隻腳黎行囉！

 

今次毅行者令我諗返起第一次行山ga時候，記得响水浪窩有一班人做support team，令我意想不到係alice佢突然出現，佢幫我扲飯餸，又幫我搓藥膏同按措，同埋响終點等我衝線(個陣時差唔多係夜晚12點)，多謝妳當時對我的無言付出。而令我最唔開心係差唔多去到基維爾前10分鐘勁扭眼瞓，仲因為諗返一d唔開心ga經歷而向神發脾氣，為咗呢件事唔開心咗幾日，原來我呢一年經歷上帝咁多嘢，我對上帝順服ga心都係咁渺少......上帝，sorry呀！

11月頭真係好多嘢做，第一個禮拜唔使講都係同d friend食飯呀、興祝呀咁.....第二個禮拜就係毅行者，忙到冇時間update下個space.....

 

自從97'年返禮賢會之後，每年生日我都會問上帝比禮物我，而每次我都好期待上帝為我安排ga係一份點樣ga禮物呢？有時仲會同上帝一齊玩倒數tim！有一年係响我讀書時期，我要買一本英文書上堂用，我唔想問同學copy，因為係犯法的，但係我又冇$$。响我生日嗰日，上帝比咗一百蚊我啱啱夠$$買到呢本英文書。然後有幾年都有唔同ga人陪我過生日，有時打邊爐、有時唱k。上年响我同d friend關係最差ga時候，上帝藉住我生日呢個機會，比我同一班我好重視ga friend可以復和，呢份禮物係非常ga令我驚訝。

 

而今年......生日前一晚有poly同學仔esther、aska、aiko、tracy、kitty同我去唱k啦，由10點唱到2點先走。正日當晚有阿dee、cammy、梁粉同我去打邊爐啦。]當晚又收到12封祝賀我生日的短訊。之後又有++、阿ming、阿寶、張生、張太、少少、geo、雞翼(妳咁攰都出黎，呢d真係老友)、alice同我去bbq，完來我哋好多個都鐘意食秋刀魚，個日總共食咗8條呀.......响度想對你哋所有人講，多謝你哋呀！呢份情誼我會記响心嫁。

 

今年最令我開心ga禮物必定係媽咪打電話黎同我講生日快樂，因為識我ga人都知我屋企背景，媽咪竟然响呢日打比我完全係上帝ga恩典，係呢幾年同佢修補關係ga結果，上帝多謝祢呢份令人意想不到的禮物。

 

~PS~ 另外仲有兩份禮物，一份係好名貴ga同唔捨得用ga Burberry手巾仔。另一份係色彩鮮艷，圖案好曳鬼ga 双煙通.....多謝三位的心意

呢三日假期都過都好簡單，但係真係每日都做到自己想做ga嘢

 

呢日係thomasga生日，話晒都係"輕"弟點都要請佢食飯，所以夜晚同佢食返個靚扒。不過食之前同佢行電腦商場，總於賣咗一部合心水的手提電腦......yeah!!而呢晚同thomas傾得好deep，自己都分享咗好多心裡面一d軟弱，呢個晚上我覺得好充實......

呢日係敬拜上帝的日子，今日不論詩歌敬拜、講道內容都好充實，好多思想、反省的空間。夜晚同個一個好特別的人一齊好睇傢私，行咗幾次，今次總於可以揾到自己的心水。張床係細路仔床黎嫁，我諗住床下底放張枱仔，可以放我部手提電腦，hifi，好好睇ga書.......

 

為咗預備下個團契週會，今日陪個++去科大視察環境，之後就响科大裏面安靜睇聖經，望下上帝創造的大海，享受清涼的海風......好舒服......

為咗預備下個月的毅行者，終於同d friend夾到時間响啱啱個星期六行山，話晒要行100公里喎，點都要練下ga....完本係諗住由東霸開始行，以北潭涌為終點。我哋行到去落浪茄的分叉路為咗貪快，咪行上獨孤山再殺入西灣亭la，點知二年冇行，原來條路已經比好多樹木雜草阻住條路，係嚴重到唔見咗條路tim...我哋迷路囉，又冇帶地圖。最後當然去到西灣亭，不過結果用咗成3個鐘，仲要比d草草整到隻腳花晒，又比枝樹皮插到個肋骨，損咗、好痛不過都影返幾張靚相留念，都叫做有d補償......

哪一個地方有罪人，哪一個地方唔會冇問題。所以教會都不是完美無暇的地方，因為係一班罪人眾集的地方。只不過因為上帝的恩典，叫人可以在這地方實踐上帝的愛﹐努力在地上活出天國的樣式，是充满包容，支持，祝福......(願祢的旨意行在地上，如同行在天上)

 

這本書給我最深刻的有兩個chapter，一個係講祝福，另一個係講醫治。

祝福可以叫一個人生命有重大改變，上帝給人的祝福，人與人之間的祝福，都係要重視不可輕看祂的！

教會/團契是天國的縮影，若果不能在這裏找到安慰、接納、支持、醫治、滋潤，在世間還有哪裡可以找尋呢？

 

願上帝祝福教會的同時，也願上帝幫助我愛教會更多。"爾旨得成，在地若天"